O FANAU

Talofa, talofa, talofa lava, Malo le soifua, malo le lagi e mama. O lo'u igoa o Failelei Maninoa. Oute aoga i Sir Edmund Hillary. O le autu o "La'u Gagana Samoa. '' O Fanau i le soifuaga faaleagaga o loo aumaia e le tusi paia, o fanau ole tofi lea mai le Atua. O lo o faamamafa ma faataua e Iesu ia aoao le tama e tusa ma ona ala, a matua e le toe te'a ese ai lava. I le lalolagi o loo outou soifua ma ou ola ai, o lo'o aumai ai foi le faamamafa male faataua. O tu ma aganuu a Samoa e iloga fanau a tagata pe a fafaga i upu ma tala, a'o fanau a manu e fafaga i fuga o laau. A tu'u faatasi vaega ia e lua, ona faapea lea, O fanau ole tofi mai le Atua. Ia fafaga i upu ma tala ae le o fuga o laau. A faatonu e matua fanau, O uluai faiaoga ia ole fanau. A e savali i luma o tagata ia punou lou ulu ma fai le upu tulou, A tuli oe i se feau ona e nofo lea i lalo ma tautala i le feau na tuli ai, A e fia manao i se mea ona e tautala atu lea faamolemole,A aumai se mea na e fia manao ai ona e tautala atu lea faafetai.

E sa ona e tautala tu i luma o tagata, e sa ona e tautala ma mama i lou gutu. O aoaoga uma ia o loo faia  e matua, Fanau e auga le usitai male faaaloalo. Ia soo le fau male fau ale ole fau male polata. Ia tatou seu ia faapulou ae le ole seu lagatila, e le manuia ai o tatou faiva alofilima.